የህግና ቴክኒክ ጉዳዮች

​​​​​​የህግና ቴክኒክ ጉዳዮች ክትትል ቡድን መሪ ተግባርና ኃላፊነት

ተጠሪነቱ ለህግና ቴክኒክ ጉዳዮች ክትትል ዳይሬክተር ሆኖ የሚከተሉትን ተግባርና ኃላፊነቶች ያከናውናል፡-

1. ከዳይሬክቶሬቱ ዕቅድ ጋር በተናበበ አግባብ የቡድኑን ዕቅድ ያዘጋጃል፣ በስሩ ለሚገኙ ባለሙያዎች ቆጥሮ ይሰጣል፣ ባለሙያዎች እንዲቅዱ ያደርጋል፣ አፈጻጸሙን በቅርበት ይከታተላል፣
2. በስሩ ያሉ ባለሙያዎች እንዲበቁ፣ እንዲበረታቱ፣ በጋራ የመስራት ባህል እንዲዳብር ያስተባብራል፣
3. የባለሙያ ክህሎትና አመለካከት ክፍተት የሚሞላ ሥልጠና እንዲሰጥ የስልጠና ፍላጎት ይለያል፣ ስልጠና እንዲሰጥ ጥያቄ ያቀርባል፣
4. ለቡድኑ የሚስፈልገውን የስራ መገልገያ ቁሳቁሶች ይለያል እንዲሟላ ጥያቄ ያቀርባል፣ ለባለሙያዎች ያሰራጫል፣ ስራ ላይ መዋሉን ይከታተላል፣ 
5. በክ/ከተሞች ለሚደረግ ድጋፍና ክትትል ዕቅድና ቼክ-ሊስት እንዲዘጋጅ፣ በተቀመጠው መርሃ-ግብር መሰረት ድጋፍና ክትትሉን ያስተባብራል፣ ሪፖርት አዘጋጅቶ ያቀርባል፣
6. ቢሮው በሚከሰስበት ወቅት ውጤታማ ክርክር ለማድረግ እንዲያስችል ተገቢው የሰነድ ማስረጃ እንዲጣራ እንደአስፈላጊነቱ የመስክ ልኬት እንዲከናወን የቡድኑን ባለሙያዎች ያስተባብራል፣ የተዘጋጀውን ማብራሪያ እና ማስረጃ በማደራጀት ያቀርባል፣
7. ቢሮው በተከሰሰባቸው ጉዳዮች የባለሙያ ምስክርነት አስፈላጊ ሆኖ ሲገኝ አግባብነት ያላቸው ባለሙያዎች ምስክር እንዲሰጡ ያስተባብራል፣ 
8. የፍትህ አካላት ለሚያቀርቧቸው የመረጃ እና ልዩ ልዩ የማብራሪያ ጥያቄዎች ተገቢውን ማስረጃ እንዲጣራ ባለሙያዎችን ያስተባብራል፣ የተዘጋጀውን የውሳኔ ሀሳብ በማረጋገጥ ያቀርባል፣
9. ከፖሊስ፣ ወንጀል ምርመራ እና ከወንጀል ጉዳዮች ጋር በተያያዘ ለሚቀርብ የባለሙያ ምስክርነት ጥያቄ አግባብነት ያላቸው ባለሙያዎች መረጃ እንዲሰጡ ያስተባብራል፣ 
10. የመፈጸም አቅምን ለማሳደግ እንዲያግዝ ለባለሙያዎችና አመራሮች በአዋጅ፣ ደንብ፣ መመሪያዎችና የአፈጻጸም ማኑዋሎች ላይ የስልጠና ፍላጎት ይለያል፣ የስልጠና ሰነድ በማዘጋጀት ያቀርባል፣
11. ስራ ላይ የዋሉ ደንቦች፣ መመሪያዎች፣ ማስፈጸሚያ ማኑዋሎች እና አሰራሮች ላይ የሚያጋጥሙ የአፈጻጸም ችግሮችንና ማሻሻያ የሚያስፈልጋቸውን ጉዳዮች ከሚመለከታቸው የስራ ክፍሎች ጋር በመሆን በጥናት ይለያል፣
12. በየስራ ክፍሎቹ የሚዘጋጁ የአፈጻጸም ማኑዋሉችን ላይ ከህግ አኳያ ድጋፍ እና ዕገዛ ያደርጋል፣ ያስተባብራል፣
13. ከአገልግሎት አሰጣጥ ጋር በተያያዘ ለሚቀርቡ የማብራሪያ ጥያቄዎች ተገቢውን የማጣራት ስራ እንዲከናወን ያደርጋል፣ የሚቀርበውን የውሳኔ ሀሳብ በማጋገጥ ያቀርባል፣
14. ቢሮው በሚሰራቸው ስራዎች ወይም በሚያደርጋቸው የግዥ ውሎች ጋር በተያያዘ የሚቀርብ የህግ አስተያያት ምክረ ሀሳብ እንዲዘጋጅ ያደርጋል፣
15. ቡድኑ ከሚያከናውናቸው ስራዎች ጋር በተያያዘ ለሚቀርብ ቅሬታ እንዲጣራ ያደርጋል፣ የተዘጋጀውን ምላሽ አረጋግጦ ያቀርባል፣
16. ዕለታዊ፣ ሳምንታዊ፣ ወርሃዊና የሩብ ዓመት የሥራ አፈጻጸሞችን በስሩ ከሚገኙ ባለሙያዎች ጋር ይገመግማል፣ ሪፖርትን ያቀርባል፣
17. በሚቀመጠው አሰራር መሰረት በስሩ የሚገኙ ባለሙያዎችን ይመዝናል፣ ለዳይሬክተሩ ያቀርባል፣
18. በዳይሬክተሩ የሚሠጡትን ሌሎች ተጨማሪ ሥራዎችን ያከናውናል፣