የመሬት ማህደር አስተዳደር

​​​​​የይዞታ ማህደር አስተዳደር ድጋፍና ክትትል ቡድን መሪ ተግባርና ኃላፊነት

ተጠሪነቱ ለተቀናጀ መሬት መረጃና ማህደር አስተዳደር ዳይሬክቶሬት ሆኖ የሚከተሉት ተግባርና ኃላፊነቶች ይኖሩታል፡-

1. ከዳይሬክቶሬቱ ዕቅድ በመነሳት የቡድኑን እቅድ በወቅቱ አዘጋጅቶ ያቀርባል፣ ሲጸድቅም ስራዎችን ለባለሙያዎች በማከፋፈል ተግባራዊ አፈጻጸሙን ይከታተላል፤
2. በቡድኑ የሚገኙ ባለሙያዎችና ሰራተኞች የስራ ተነሳሽነታቸው እንዲጨምርና ውጤታማነታቸው እንዲጎለብት በቅርበት ይደግፋል፤
3. አስፈላጊ የሆኑ የስራ መገልገያ መሳሪያዎች እንዲሟሉ ያስደርጋል፤
4. እያንዳንዱ የቡድኑ አባል በተቀመጠው ስታንደርድ መሰረት ተግባራትን ማከናወናቸውን ይከታተላል፤ይደግፋል፣
5. ተገልጋዮች ለሚጠይቋቸው የማህደር ኮፒ ጥያቄዎች ምላሽ እንዲሰጥ ያደርጋል፣
6. አዳዲስ የአሠራር ስልቶችን በማጥናት ተግባር ላይ እንዲውሉ ያደርጋል፣
7. ለመብት ፈጠራ ስራ በቅርንጫፍ የተደራጁ መብት የሚፈጠርላቸውን ይዞታዎች ማህደራት ይረከባል ያደራጃል
8. ስካን የተደረጉ መብት ያልተፈጠረላቸው ይዞታዎች ማህደር ካለ በሶፍት ኮፒ ይረከባል፣
9. ለመብት ፈጠራ ስራ የተረከባቸውን ማህደራት በየክፍለ ከተማው ለይቶ አደራጅቶ ይይዛል ፣ ለአገልግሎት ዝግጁ ያደርጋል ያስተዳድራል፤
10. ለመብት ፈጠራ ቡድን ለአገልግሎት የሚፈለጉ ማህደራትን ሲጠየቅ ያስረክባል/ያቀርባል፤
11. በመመሪያው መሰረት ለመብት ፈጠራ ስራ ወጪ የተደረጉ ማህደራት መመለሳቸውን ይከታተላል፤
12. መብት ተፈጥሮላቸው የተጠናቀቁ ማህደራት በሚወጡ አሰራርና ፕሮግራሞች መሰረት ለክፍለ ከተማ ርክክብ እንዲደረግ ክትትል ያደርጋል፤
13. የማህደር መጥፋት ችግሮችን ይለያል በተቀመጠው አሰራር/መመሪያ መሰረት እንዲፈፀም ያደርጋል/ይፈፅማል/ ማህደራት ጠፍተው በማይገኙበት ሁኔታ ላይ ሲሆኑ ሙሉ ኃላፊነት በመውሰድ ተገቢውን እርምጃ ይወስዳል/ያስወስዳል
14. የመሬት ማህደራትን በሶፍት እና ሃርድ ኮፒ እንዲደራጁ ያደርጋል፤
15. ልዩ ልዩ መረጃ ኮፒ /ባክ አፕ መረጃ/ እንዲሰጥ ይፈቅዳል
16. የመሬት ማህደራት በአግባቡ መያዛቸውን፣ በዘመናዊ መንገድ መደራጀታቸውን ይከታተላል
17. በክፍሉ የሚገኙ ማህደራትን እያንዳንዱ ገጽ ቁጥር እንዲሰጠውና አባሪ ተመትቶ እንዲቆጠር ያደርጋል
18. የሚመራቸው ሰራተኞች ልምድ ካላቸው አቻ ተቋማት ተሞክሮ እንዲወስዱ ያደርጋል
19. ለሚያጋጥሙ ችግሮች ግብረ-መልስ ይሰጣል
20. የክትትልና ድጋፍ እቅድና ቼክ-ሊስት ያዘጋጃል
21. የመሬት ማህደራትን ኮፒና ስካን በማድረግ ለመሬት ይዞታ ምዝገባና መረጃ ኤጀንሲ እንዲተላለፉ ሥራውን በጥብቅ ዲሲፕሊን ይመራል፤ይቆጣጠራል፤
22. የይዞታ ማረጋገጥ  ስራው ሲጠናቀቅ ዋናዉ የይዞታ ማህደራት ለመሬት ይዞታ ምዝገባና መረጃ ኤጀንሲ መተላለፉን ያረጋግጣል፤
23. ያጋጠሙ ችግሮችን ይለያል፤ መፍትሄ ይሰጣል፤
24. ቡድኑ ለተገልጋዮች የሚሰጣቸው አገልግሎቶች በአግባቡ መሰጠታቸውን እና ቅሬታም እንዳይከሰት ይከታተላል፤ቅሬታም ሲፈጠር ማስተካከያ ይሰጣል፣
25. ከላይ የተዘረዘሩትን ተግባራት በተቀመጠላቸው የጊዜ ሰሌዳ መሠረት የአፈፃፀም ሪፖርት በማዘጋጀት ለሚመለከታቸው ክፍሎች ያሳውቃል፣
26. ሌሎች ከሥራ ክፍሉ ጋር ተዛማጅ የሆኑ ስራዎችን በበላይ ኃላፊ ሲመራለት ያከናውናል
27. የስራ አፈጻጸም ይመዝናል፤ይገመግማል፤ክፍተቶችን ይለያል፤የተለያዩ የአቅም ማጎልበቻ አማራጮችንም በመለየት ተግባራዊ ያደርጋል፤